Ekskluzive: Vëllai i mësyn me sakicë vëllait

Një ngjarje e rëndë ka ndodhur sot në fshatin Romajë të Prizrenit, ku një konflikt familjar mes dy vëllezërve ka përfunduar me sulm të dhunshëm.

Burime të Sinjalit mësojnë se i dyshuari Shaqir Ukaj ka goditur me sakicë vëllain e tij, R.U., duke i shkaktuar lëndime trupore. Viktima ka marrë tretman mjekësor në Spitalin Rajonal të Prizrenit.

Me urdhër të Prokurorit të Shtetit është kryer bastisje në shtëpinë e të dyshuarit, ku policia ka sekuestruar një sakicë, disa thika, një shufër metalike dhe një boks metalik.

Pas arrestimit, Shaqir Ukaj është ndaluar për 48 orë dhe ndaj tij është iniciuar rast për “Lëndim i lehtë trupor” dhe “Mbajtje në pronësi, kontroll ose posedim të paautorizuar të armëve”.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.