Dy persona e rrahin rëndë një tjetër, duke ikur e godasin edhe nënën e tij, i shkaktojnë lëndime të rënda trupore

Një incident i rëndë është raportuar mbrëmjen e 15 shtatorit në rrugën “Fadil Deliqi” në Mitrovicë, ku një mosmarrëveshje në trafik ka eskaluar në përleshje dhe ka përfunduar me lëndime të rënda trupore.

Sipas burimeve të Gazetës Sinjali, dy të dyshuarit A.P dhe N.P. fillimisht kanë goditur me grushte E. D. Më pas, teksa po largoheshin nga vendi i ngjarjes me veturën e tyre, ata kanë goditur edhe nënën e tij, duke i shkaktuar lëndime të rënda trupore.

E lënduara është dërguar për trajtim mjekësor në QKUK-Prishtinë, për të qenë nën kujdesin e mjekëve.

Ndërkohë, të dy të dyshuarit janë arrestuar, intervistuar dhe me vendim të Prokurorit janë dërguar në qendrën e mbajtjes për 48 orë.

Rasti po hetohet si “Lëndim i rëndë trupor”.