Abdixhiku: Le të punojmë për një fitore të madhe në Suharekë

Kryetari i LDK-së, Lumir Abdixhiku, ka qenë në një tubim me qytetarë sot në Suharekë.

Në një postim në Facebook, ai ka thënë se aty patën një takim të madh mobilizues të strukturave të LDK-së në Suharekë.

“Koha i ka ardhë fitores së LDK në Suharekë, prandaj s’ka asgjë që e ndalë. Dr. Ardian Shala, do të jetë kryetar i radhës i këtij qyteti që frymon LDK sërish”, ka thënë Abdixhiku.

“Ju faleminderit për pritjen e ngrohtë e mbështetjen e fortë. Me këso strukture mund të nisemi gjithandej”, u shpreh i njëjti.

Abdixhiku theksoi: “Le të punojmë për një fitore të madhe në Suharekë”. /Klankosova.tv