Ekskluzive: Ky është personi që iu gjet drogë në burg

Gazeta Sinjali mëson se një i burgosur në Qendrën Korrektuese të Dubravës është arrestuar, pasi iu gjet substancë narkotike brenda institucionit korrektues.

Burime të Sinjalit bëjnë me dije se bëhet fjalë për Sehar Haziri, 29-vjeçar, i cili u kap nga oficerët korrektues gjatë një bastisjeje të organizuar në portën “0”, tek të burgosurit e pavijonit të hapur që punojnë jashtë institucionit.

Haziri, i cili po qëndronte në fund të radhës, kishte bërë veprime të dyshimta dhe në atë moment hodhi në tokë një qese të mbushur me substancë narkotike. Pas kontrollit, oficerët gjetën qesen që përmbante marihuanë.

I dyshuari ka pranuar se droga ishte e tij dhe se e kishte për konsumim personal. Sasia e sekuestruar, e cila ishte e mbështjellë me najlon, u peshuar nga njësiti i Antidrogës në Pejë dhe rezultoi 41.9 gram marihuanë.

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.