Detaje të tmerrshme nga abuzimi seksual i 16 vjeçares

Një 16-vjeçare dyshohet se është abuzuar seksualisht dhe më pas është bërë objekt shantazi në Këlcyrë të Shqipërisë.

Policia në Shqipëri ka bërë të ditur se vajza e mitur është abuzuar nga njerku i saj, 55-vjeçar, që rezulton të jetë punonjës i Policisë së Përmetit, për rreth tri vjet, transmeton Klankosova.tv.

Sipas policisë, në pranga kanë rënë edhe një 46-vjeçar, i cili dyshohet se ka pasur lidhje intime me të miturën, si dhe shoku i tij, 27 vjeç.

Sipas Prokurorisë, 27-vjeçari dhe shoku i tij 46-vjeçar, kanë ushtruar presion ndaj vajzës së mitur, duke e kërcënuar dhe detyruar të bënte një video, në muajin gusht të këtij viti, me punonjës policie në Tepelenë, ku ky i fundit shfaqej në momente intime.

Ledina Jakimi thotë se i pari që ka abuzuar me të miturën, ishte njerku i saj.

“Më pas ka qenë shoku i tij, po polic”, shtoi tutje ajo për emisionin “Kosova Today”.

Ndërsa Linda Pano thotë se vajza ku duhej të gjente siguri dhe mbrojtje, gjeti në fakt dhunimin.

“Para se të jenë policë, mua më thyen zemrën të dëgjojë se ka qenë njerku i saj, normalisht që ndan shtëpinë me të, ndan tryezën me të, ai që ka filluar të abuzojë kur ajo ishte 13-vjeçare. Është e tmerrshme”, u shpreh Pano.