Vetura godet dy këmbësorë në Prishtinë
Sot në rrugën “Mon Balaj” në Prishtinë ka ndodhur një aksident trafiku ku janë përfshirë një veturë dhe dy këmbësorë.
Rastin e ka konfirmuar për Gazeta Sinjali, zëdhënësi i policisë për rajonin e Prishtinës, Enis Pllana, i cili tha se si pasojë e përplasjes, dy persona kanë marrë lëndime dhe janë dërguar menjëherë për tretman mjekësor.
Për rastin po heton Njësia e Trafikut të Kryeqytetit.
“Sot rreth orës 20:30 kemi pranuar informatën për një aksident trafiku me lëndime në rrugën “Mon Balaj” në Prishtinë. Në aksident janë përfshirë një veturë dhe dy këmbësorë. Si pasojë lëndime kanë pësuar dy persona, të cilët janë dërguar për tretman mjekësor. Me rastin po merret Njësia e Trafikut të Kryeqytetit”, tha Pllana për Sinjalin.
