Arrestohen 4 persona në këtë fshat të Podujevës

Katër persona janë arrestuar pas një aksioni të Policisë së Kosovës në fshatin Dumnicë e Poshtme të Podujevës.

Sipas Gazetës Sinjali, aksioni është zhvilluar të shtunën rreth orës 17:30, ku hetuesit policorë në koordinim me DHTN Prishtinë dhe Prokurorinë e Shtetit kanë zbuluar një sipërfaqe prej rreth 1 hektari të mbjellë me misër dhe bimë të kanabisit, raporton Podujeva Sot.

Në vendin e ngjarjes janë arrestuar katër persona, dy nga Podujeva dhe dy shtetas të Shqipërisë, ku njëri prej tyre u kap duke fjetur në ara dhe tentoi të ikte.

Sipas Gazetës Sinjali, me urdhër të Prokurorit të Krimeve të Rënda, tre prej të dyshuarve janë ndaluar për 48 orë, ndërsa për të miturin është shqiptuar ndalim për 24 orë, raporton Podujeva Sot.