Dhunë në familje në këtë fshat – Babë e bir bëhen llom mes vete

Një incident i rëndë i dhunës në familje është shënuar pas mesnatës së së dielës në fshatin Treboviq të Pejës, mëson ekskluzivisht Gazeta Sinjali.

Rreth orës 00:15, Policia është njoftuar për një rast dhune në familje dhe menjëherë ka dalë në vendngjarje, ku ka takuar viktimën M.A rreth 21-vjeçar.

Ai është dërguar për tretman mjekësor dhe më pas është intervistuar nga hetuesit.

Sipas dëshmisë së tij, babai i tij, M. A. rreth 46-vjeçar, pasi kishin qëndruar për një kohë të gjatë nëpër lokale, gjatë kthimit në shtëpi kishte ndaluar veturën, kishte zbritur dhe e kishte kapur për fyti duke e goditur me grushte. Viktima ka deklaruar se pas daljes nga vetura, babai e kishte ndjekur duke e goditur në fytyrë dhe trup, gjë që i shkaktoi lëndime të dukshme në pjesën e qafës.

Patrulla policore ka arritur të arrestojë të dyshuarin, i cili gjatë procedurës është dërguar gjithashtu për tretman mjekësor, pasi kishte një gërvishtje në syrin e djathtë.

Me urdhër të Prokurorit të Shtetit, rasti është iniciuar si “Dhunë në familje”, ndërsa i dyshuari është ndaluar për 48 orë në qendrën e mbajtjes.

Hetimet lidhur me rastin janë duke vazhduar.