Ndërron jetë në QKUK 41 vjeçari që u plagos

Një zhvillim tragjik ka ndodhur mbrëmë në QKUK, ku ka ndërruar jetë i plagosuri nga ngjarja e rëndë që ndodhi ditë më parë në fshatin Debelldeh të Vitisë, mëson ekskluzivisht Gazeta Sinjali.

Burime të sigurta bëjnë me dije se edhe përkundër përpjekjeve të personelit mjekësor në mjekimin intensiv, viktima ka ndërruar jetë rreth orës 23:00, si pasojë e plagëve të marra nga arma e zjarrit.

Lidhur me rastin është njoftuar Prokurorja e Shtetit, e cila ka urdhëruar që trupi i pajetë të dërgohet në IML për obduksion.

Hetimet, të cilat më herët ishin duke u zhvilluar në drejtim të veprës penale “Vrasje e rëndë në tentativë”, tashmë do të vazhdojnë si “Vrasje e rëndë”.

Hetimet për zbardhjen e plotë të rrethanave janë në vazhdim.