Tahiri: Në Mitrovicë, suksesi nuk ka gjini

Kandidati i PDK-së për kryetar të Mitrovicës, Arian Tahiri, ka dhënë një zotim të qartë për përkrahjen e sportit në këtë komunë, shkruan PodujevaSot.

Ai ka theksuar se futbolli i femrave, ku vajzat mitrovicase po thyejnë barriera çdo ditë, do të ketë mbështetjen e duhur institucionale.

“Në Mitrovicë, suksesi nuk ka gjini. Jemi qytet edhe i kampioneve. Futbolli i femrave, ku vajzat tona çdo ditë po thyejnë barriera, do ta marrë përkrahjen që e meriton. Asnjë klub sportiv në qytetin tonë nuk do të mbetet pa përkrahje financiare dhe logjistike,” ka deklaruar Tahiri.

Me këtë premtim, kandidati i PDK-së ka vendosur sportin dhe barazinë gjinore si një ndër prioritetet e tij në programin për zhvillimin e Mitrovicës.