Mbahet ligjëratë në shkollën e Letancit nga Kryqi i Kuq

Në kuadër të aktiviteteve edukative, sot në SHFMU “Hyzriu e Samiu” në Letanc u mbajt një ligjëratë nga Kryqi i Kuq, e cila kishte për temë “Shëndeti riprodhues për rini dhe adoleshentë”.

Ligjërata iu dedikua nxënësve të klasave të nënta, me qëllim që t’u ofrohen informata të rëndësishme për shëndetin e tyre fizik e mendor, si dhe për zhvillimin e një qasjeje të ndërgjegjshme ndaj vetes dhe të tjerëve.

Përfaqësuesit e Kryqit të Kuq theksuan se njohuritë mbi shëndetin riprodhues janë thelbësore, pasi ndihmojnë të rinjtë të kuptojnë më mirë trupin e tyre, të marrin vendime të shëndetshme dhe të ndërtojnë marrëdhënie të bazuara në respekt e përgjegjësi.

Ky aktivitet u prit me interes nga nxënësit dhe u konsiderua si një hap i rëndësishëm drejt edukimit gjithëpërfshirës për rininë.