Haradinaj – Kurtit : Reflekto dhe ndërpreje shkatërrimin e vendit

Kryetari i AAK-së, Ramush Haradinaj, ka reaguar pasi që Lista Serbe vendosi që të dal nga Institucionet.

Ai ka kërkuar nga qytetarët e Kosovës që jetojnë në veri të përmbahen dhe të ruajnë qetësinë, duke mos rënë pre e politikave të gabuara.

‘’ Me këtë rast, ftoj të gjithë qytetarët e Kosovës që jetojnë në veri të vendit, të përmbahen dhe të ruajnë qetësinë, duke mos rënë pre e politikave të gabuara. Kosova është shtet i të gjithëve, e nuk është në favorin e askujt destabilizimi i situatës, përpos atyre që ndjekin agjendat ruse’’, ka shkruar ai.

Po ashtu Haradinaj ka edhe një kërkesë për Kurtin, duke i thënë se janë momentet e fundit që të reflektojë dhe të ndërpres shkatërrimin e vendit ose përndryshe do të jemi të detyruar ta ndërprejmë ne.

‘’ Sa i përket Kurtit, janë momentet e fundit që të reflektojë dhe të ndërprejë shkatërrimin e vendit, përndryshe do të jemi të detyruar ta ndërprejmë ne, me të gjitha mjetet demokratike në dispozicion’’, ka përfunduar statusin në Facebook i pari i AAK-së. /IndeksOnline/