Barcelona lëshon një gabim, mësohet kush do ta marrë numrin 6 dhe 12

Barcelona sonte luan nga ora 21:00 ndeshjen ndaj Almerias në kuadër të La Ligas spanjolle. Disa orë para ndeshjes mediat spanjolle kanë publikuar një ‘gabim’ që e ka bërë Barcelona duke publikuar dy lojtarë me numra të rinj në fanellë.

Bëhet fjalë për Gavin dhe mbrojtësin e majtë, Balden. Pablo Gavi së shpejti pritet ta marrë numrin 6, numër që dikur e barte Xavi Hernandez, ndërsa Balde do ta marrë numrin 12.

Kujtojmë që sonte do të penzionohet nga ekipi Gerard Pique i cili aktualisht bart në fanellën e tij numrin 3 dhe së shpejti mund të kemi një lojtar që do ta marrë këtë numër.

Numri 3 do të diskutohet në mes Eric Garcias dhe Jules Kounde, me këtë të fundit që ka më shumë gjasa ta marrë duke pasur parasysh edhe paraqitjet e tij me skuadrën katalunase.