Përdhunoi gruan në sy të fëmijëve, shqiptari dënohet me 17 vite burg

Një 40-vjeçar shqiptar është dënuar me 17 vite burg nga Gjykata e Selanikut, pas akuzave për dhunë fizike dhe seksuale ndaj bashkëshortes së tij, ndërkohë që disa nga abuzimet ndodhën në prani të fëmijëve të mitur të çiftit.

I pandehuri u shpall fajtor për përdhunim, shkaktim të dëmtimeve të rrezikshme trupore dhe kërcënime ndaj gruas, të gjitha këto në sy të fëmijëve të miturve.

Viktima, një 30-vjeçare shqiptare, rrëfeu para gjykatës se abuzimet ndodhnin çdo ditë. Përveç dhunës fizike, burri ushtronte degradim të vazhdueshëm ndaj saj, duke urinuar mbi të pas abuzimit dhe duke lëvizur i dehur dhe i zhveshur brenda banesës para fëmijëve të tyre, duke krijuar një atmosferë frike dhe poshtërimi të vazhdueshëm.

Megjithëse shqiptari mohoi akuzat, duke pretenduar se vetëm e kishte goditur gruan me shuplakë, provat dhe dëshmitë e gruas dhe të fëmijëve ishin vendimtare për gjykatën, e cila vendosi dënimin e ashpër.