Vuçiq i tmerruar për dronët “Skydagger” në Kosovë, ja çka thotë

Presidenti serb, Aleksandar Vuçiq, ka reaguar pas mbërritjes në Kosovë të dronëve kamikazë “Skydagger”, duke akuzuar Turqinë se po ndërhyn në Ballkan dhe se ëndërron rindërtimin e Perandorisë Osmane.

“Jam i tmerruar nga sjellja e Turqisë dhe shkelja brutale e Kartës së Kombeve të Bashkuara dhe Rezolutës 1244 të Këshillit të Sigurimit të OKB-së, si dhe nga vazhdimi i armatosjes së autoriteteve në Prishtinë. Tani është plotësisht e qartë se Turqia nuk e dëshiron stabilitetin në Ballkanin Perëndimor dhe ëndërron të rindërtojë Perandorinë Osmane. Serbia është një vend i vogël, por e kemi kuptuar mirë mesazhin,” ka deklaruar Vuçiq.

Kryeministri i Kosovës, Albin Kurti, më herët njoftoi për mbërritjen e kontejnerëve me mijëra dronë luftarakë kamikazë “Skydagger” në vend, të blerë nga kompania turke “Baykar”.