E rrahu gruan në mes të natës dhe iku

Një tjetër rast i dhunës në familje është regjistruar në Prishtinë, ku një grua ka përfunduar në duart e mjekëve pasi u sulmua brutalisht nga bashkëshorti i saj, i cili më pas është arratisur.

Sipas informacioneve të Sinjalit, ngjarja ka ndodhur në orët e para të mëngjesit të sotëm, më 8 tetor 2025 rreth orës 02:30, në rrugën “Ferid Curri” në Prishtinë, ku është raportuar për një rast dhune në familje.

Viktima M.G. ka deklaruar në polici se pas një mosmarrëveshjeje me bashkëshortin e saj, S.C., është sulmuar fizikisht, duke u goditur disa herë në kokë dhe trup.

Pas incidentit, viktima ka marrë tretman mjekësor nga njësia e urgjencës, ndërsa i dyshuari është larguar nga vendi i ngjarjes dhe aktualisht ndodhet në arrati.

Policia po punon për lokalizimin dhe arrestimin e të dyshuarit.