Bllokohet e-Kosova, hapet aplikimi për 100 euro

Deputeti i Vetëvendosjes, Hekuran Murati, ka njoftuar se janë hapur aplikimet për studentët që të përfitojnë nga 100 euro – para të ndara tre ditë para zgjedhjeve lokale.

Brenda minutash platforma E-Kosova është bllokuar.

Postimi i plotë:

Aplikimi për mbështetjen e studentëvë tashmë është i hapur në eKosova, tek shërbimi Familja.

Për shtesën e njëhershme 100 euro:

Të drejtë aplikimi kanë studentët aktivë të të gjitha niveleve (Bachelor, Master, Doktoratë) që studiojnë në ndonjërin nga universitetet e akredituara në Kosovë, publike dhe private.

Sigurohuni që i plotësoni të gjitha fushat saktë dhe pa gabime. Nëse ka gabime, aplikimi refuzohet.

Për Bursën e Mobilitetit të Studentëve:

Të drejtë aplikimi kanë studentët e nivelit Bachelor, shtetas të Kosovës, që studiojnë në ndonjërin nga universitetet e akredituara në Kosovë.

Kusht për përfitimin e Bursës së Mobilitetit është që familja e studentit/studentes të ketë të ardhura vjetore bruto jo më shumë se 12,000 euro.

Sigurohuni që i plotësoni të gjitha fushat saktë dhe pa gabime. Nëse ka gabime, aplikimi refuzohet.