Vendim i papritur i Yamal, zhgënjehen fansat

Ylli i Barcelonës, Lamine Yamal, ka marrë një vendim të papritur që ka zhgënjyer shumë prej fansave të tij: ai nuk do të nënshkruajë më fanella apo artikuj të tjerë për tifozët.

Sipas raportimeve nga “Mundo Deportivo”, vendimi vjen si pjesë e një strategjie të re biznesi. Sulmuesi 18-vjeçar ka marrë një ofertë nga një kompani që planifikon të shesë produkte zyrtare me firmën e tij, si çizme, bluza dhe pajisje të tjera të personalizuara.

Burime pranë lojtarit bëjnë të ditur se ai është këshilluar nga përfaqësuesit e tij që të ndalojë autografet falas, me qëllim që të ruhet “veçantia dhe vlera” e firmës së tij, në prag të nisjes së këtij projekti tregtar.