Mësohet mosha e personit të lënduar në Podujevë

Burime nga Podujeva bëjnë të ditur se personi që është lënduar gjatë një përleshjeje me mjete të forta (shkop) është një 22-vjeçar.

Ngjarja ka ndodhur sot rreth orës 14:30, kur Policia e Kosovës është njoftuar për një rrahje dhe shkrepje arme në qytet.

Menjëherë pas marrjes së informacionit, njësitë policore kanë dalë në vendin e ngjarjes dhe kanë konfirmuar se si pasojë e përleshjes një person ka pësuar lëndime dhe është dërguar për trajtim mjekësor.

Lidhur me rastin, policia ka shoqëruar katër persona në stacion, përfshirë një dëshmitar dhe tre të dyshuar që dyshohet se janë përfshirë në incident. Hetimet po vazhdojnë për zbardhjen e plotë të rrethanave.