Gruaja humb jetën pasi konsumoi substancë higjienike

Një ngjarje e rëndë është regjistruar mëngjesin e sotëm në Ferizaj, ku një grua ka humbur jetën pas konsumimit të një lënde toksike.

Sipas burimeve të gazetës, rasti ka ndodhur rreth orës 09:20 në rrugën “Astrit Bytyqi”, në fshatin Rakaj, ku dyshohet se viktima ka konsumuar një substancë higjienike me përmbajtje kimike.

Menjëherë pas njoftimit, në vendngjarje kanë dalë njësitë emergjente dhe patrulla policore, të cilat i kanë ofruar ndihmën e parë dhe më pas e kanë transportuar në Spitalin e Ferizajt, e më pas në QKUK – Prishtinë, për trajtim të mëtejmë.

Fillimisht, rasti ishte kualifikuar si tentim vetëvrasje, por më vonë autoritetet janë njoftuar se gruaja nuk ka mundur t’u mbijetojë plagëve. Me urdhër të prokurorit kujdestar, rasti është rikualifikuar si “Vetëvrasje”, ndërsa hetimet po vazhdojnë për zbardhjen e plotë të rrethanave.