Dy raketa ruse bien në Poloni, të paktën dy të vdekur

Raketat ranë në qytetin polonez Przewodów, i cili është në kufi me Ukrainën, raporton tabloidi britanik Daily Express.

Ende nuk është konfirmuar nëse këto raketa kanë rënë si rezultat i një bombardimi masiv të Rusisë në qytetet më të mëdha në Ukrainë.

Raportohet se policia, prokuroria dhe ushtria tashmë janë në vendngjarje derisa forcat e armatosura poloneze thuhet se janë në gatishmëri të plotë për të vepruar.

Sipas Daily Express, kryeministri i Polonisë, Mateusz Morawiecki, e ka konsideruar këtë “si një çështje urgjente” dhe ka mbledhur Komitetin e Këshillit të Ministrave për Çështjet e Sigurisë Kombëtare dhe Mbrojtjes. Kështu ka konfirmuar zëdhënësi i qeverisë, Piotr Müller.

“Njerëzit më të rëndësishëm në vend” po marrin pjesë në takimin urgjent të Polonisë, sipas gazetës lokale të lajmeve, Radio Zet. Disa analistë besojnë se objektivi i synuar i raketave mund të ketë qenë Lviv, një qytet ukrainas rreth 100 km në jug të Przewodóë, ku edhe ranë raketat.