Arrestohen dy persona për vrasje në tentativë

Hetimet për tentativën e vrasjes që ndodhi më 21 korrik 2025 në fshatin Doganaj të Ferizajt kanë sjellë zhvillime të reja.

Burime të besueshme nga strukturat e afërta me hetimin bëjnë të ditur se më 28 tetor 2025, me autorizim të Prokurorit të Shtetit, janë intervistuar dy persona të dyshuar në lidhje me rastin.

Të dyshuarit janë marrë në pyetje për veprat penale “Dhënia në ndihmës kryerësve pas kryerjes së veprave penale” dhe “Pengim i të provuarit apo procedurës zyrtare”.

Ata janë intervistuar në praninë e avokatëve mbrojtës, ndërsa me urdhër të prokurorit të rastit janë dërguar në mbajtje për 48 orë.

Hetimet për zbardhjen e plotë të rastit vazhdojnë, ndërkohë që Prokuroria dhe Policia po analizojnë rolin e secilit të përfshirë në këtë tentativë të rëndë.