43 vjeçari shqiptar bie nga pema dhe ndërron jetë

Një ngjarje e trishtë ka ndodhur pasditen e djeshme në Berat të Shqipërisë.

Një 43-vjeçar ka humbur jetën, teksa i njëjti ka rënë nga një pemë ulliri.

Mediat në Shqipëri bëjnë të ditur se viktima ishte duke vjelë ullinj në momentin e aksidentit.

Pas ngjarjes, 43-vjeçari është transportuar me urgjencë drejt Spitalit Rajonal të Beratit, por, pavarësisht ndihmës mjekësore të menjëhershme, nuk ka mundur t’u mbijetojë plagëve dhe ka vdekur.

Ngjarja është konfirmuar si aksidentale dhe nuk dyshohet për rrethana të jashtëzakonshme.