Rama: Kurti e Murati po refuzojnë të takohemi, une jam i gatshëm

Kryetari i Prishtinës, Përparim Rama, ka reaguar ashpër duke thënë se kryeministri në detyrë dhe ministri i Financave kanë refuzuar të takohen me të, pavarësisht situatës së rëndë që, sipas tij, po prek qytetarët e kryeqytetit.

Rama paralajmëron se bllokimi i buxhetit po cenon shërbimet bazë për mijëra qytetarë, si edhe mirëqenien e punëtorëve të ndërmarrjeve publike dhe familjeve të tyre.

“Cenohen shërbimet jetike të qytetarëve të kryeqytetit. Cenohet mirëqenia e punëtorëve dhe e familjarëve të tyre,” shkroi Rama, duke nënvizuar se ai mbetet i gatshëm 24/7 për çdo takim që siguron mbrojtjen e të drejtave dhe dinjitetit të qytetarëve dhe punëtorëve të Prishtinës.