Ndërron jetë në moshë të re mësuesja, po vuante nga një sëmundje

Një lajm i dhimbshëm vjen nga Korça, ku ka ndërruar jetë në moshë të re mësuesja Fjoralba Dule, pas një beteje të gjatë me një sëmundje të rëndë.

Megjithë forcën, shpresën dhe vullnetin që e karakterizonte, Fjoralba nuk arriti ta mposhtte sëmundjen. Humbja e saj ka prekur thellë familjarët, miqtë, kolegët dhe nxënësit, të cilët e kujtojnë si një mësuese të përkushtuar, të dashur dhe plot dritë.

Edhe pse jeta e saj u ndërpre shumë shpejt, kujtimi i Fjoralbës do të jetojë tek të gjithë ata që e njohën dhe e deshën.