Shpërthim në një shkollë në Gjermani, 17 të lënduar

Në qytetin Senefelder‑Schule në Treuchtlingen (Bavari, Gjermani), sot gjatë orarit të mësimit u ndez një fishekzjarr në banjon e shkollës, e cila shkaktoi një shpërthim dhe për pasojë tym dhe panik mes nxënësve.

Të paktën 17 nxënës u lënduan, kryesisht lehtë: disa përjetuan irritime të rrugëve të frymëmarrjes për shkak të tymit dhe erës, ndërsa të tjerë u ndjenë të shqetësuar apo panikuan.

Menjëherë pas shpërthimit, u aktivizua alarmi i zjarrit dhe në vendngjarje mbërritën me urgjencë policia, zjarrfikësit dhe ekipet e emergjencës, disa raporte përmendin se në mobilizim u përfshi edhe një helikopter. Ndërkohë, i gjithë kompleksi i shkollës u evakuua, prej afro 1.200 nxënësve.

Sipas policisë, deri tani nuk janë zbuluar dëmtime serioze, dhe rreziku për komunitetin është përjashtuar. Hetimet për të përcaktuar autorin dhe llojin e fishekzjarrit janë në vijim, dy nxënës janë vënë nën dyshim. Policia ka deklaruar se nuk beson se bëhet fjalë për një akt me qëllim keqdashës.

Incidenti ka zgjuar shqetësim për sigurinë në ambiente arsimore, ngjarje si këto nënvizojnë nevojën për kontrolle dhe masa më të rrepta mbrojtëse në shkolla, veçanërisht përkohësisht si koha e festave të fundvitit, kur fishekzjarret përdoren më shpesh.