Gazeta gjermane Bild.de raporton për vdekjen e Shpat Kasapit

Të mërkurën shqiptarët morën një lajm të hidhur, pasi Shpat Kasapi ndërroi jetë pas një sulmi në zemër.

Për vdekjen e tij kanë reaguar artistë e persona të shquar nga të gjitha trojet shqiptare.

Për vdekjen e tij të hershme, sot gjatë ditës raportoi edhe e përditshmja gjermane, Bild.de.

Në raportimin e Bild.de thuhet se Shpat Kasapi ishte yll i muzikës shqiptare, sidomos me këngën e tij “Valle Kosovare”.

Ndërsa në fund të raportimit, portali gjerman ngushëllon familjen dhe ndjekësit e Shpat Kasapit.