Një person i shtrirë në rrugë, dyshohet se u godit nga vetura

Një person është hasur i shtrirë sonte, në rrugën “Luan Haradinaj”, në qendër të Prishtinës.

Dyshohet se viktima në fjalë është goditur aksidentalisht nga një veturë, shkruan IndeksOnline.

Në vendin e ngjarjes kanë arritur njësitet relevante të policisë dhe ato të ndihmës së parë.

Teksa policia po heton rrethanat e rastit, ekipi mjekësor po përkujdeset për kontrollimin e situatës vitale të viktimës.

Ende nuk dihet asgjë për gjendjen shëndetësore të tij.