Lajm i keq për përfituesit e 100 eurove

Mijëra studentë në Kosovë janë gëzuar nga pagesa e shtesës prej 100 eurove, por një pjesë e madhe prej tyre ende po presin pa asnjë njoftim.

Sipas informacioneve zyrtare, deri më tani është procesuar vetëm grupi i parë, ndërsa studentët e tjerë – edhe pse kanë aplikuar brenda afatit dhe plotësojnë kriteret – nuk janë përfshirë në këtë shpërndarje të parë.

Rreth dhjetëra mijëra studentë tashmë i kanë marrë mjetet në llogaritë e tyre bankare, por për pjesën tjetër situata mbetet e paqartë. Shumë prej tyre raportojnë se prej javësh nuk kanë marrë asnjë konfirmim dhe nuk dihet se pse emrat e tyre nuk janë përfshirë, duke shtuar ndjenjën e pasigurisë dhe pakënaqësisë.

Edhe më problematike është situata me mjetet e ndara për “mobilitetin”, ku deri tani ka një njoftim, por studentët që kanë aplikuar për këtë mbështetje shtesë nuk kanë marrë asnjë informatë nga institucionet, çka ka shtuar konfuzitetin edhe më shumë.

Ndërkohë, qeveria ka bërë të ditur vetëm se procesi i shpërndarjes do të vazhdojë me grupe të tjera, por pa specifikuar se kur do të procedohet grupi i dytë dhe kur pritet të lëvizin fondet e mobilitetit. Për shumë studentë që mbështeten te këto mjete për të përballuar shpenzimet mujore apo për nevoja akademike, kjo vonesë po shihet si një lajm aspak i mirë.