LAJMI I FUNDIT: Arrestohet një kosovar në Gjermani
Një shtetas kosovar i kërkuar me urdhërarrest ndërkombëtar është ekstraduar nga Gjermania në Kosovë, njofton Policia e Kosovës.
Sipas Policisë, Drejtoria për Bashkëpunim Ndërkombëtar Policor, në koordinim me njësitë relevante të Policisë së Kosovës dhe institucionet e drejtësisë, më 19.12.2025 ka realizuar ekstradimin e shtetasit B.A. nga Gjermania për në Kosovë.
31-vjeçari, sipas Policisë, ishte arrestuar nga autoritetet gjermane, pasi kërkohej me urdhërarrest ndërkombëtar të lëshuar nga institucionet e drejtësisë së Kosovës, nën dyshimin për veprën penale “vrasje në tentativë”.
Sipas njoftimit, ai dyshohet se ishte shmangur më herët nga organet e drejtësisë.
“I dyshuari pas ekstradimit, u është dorëzuar njësiteve përkatëse të policisë në Mitrovicë për vazhdim të procedurave tjera ligjore”- thuhet në njoftimin e Policisë së Kosovës.
