Këmbësori e bën llom shoferin që e goditi me veturë
Aksidentet e shpeshta që ndodhin në trafik shpesh përcillen edhe me incidente që eskakojnë në kërcënime dhe përleshje brutale. Një rast i tillë ka ndodhur përballë një lokali në rrugën “Ukë Bytyqi” në Prishtinë, ku një veturë ka goditur një këmbësor. Kjo i kushtoi shoferit i cili më pas u rrah nga personi që e goditi, raporton Gazeta Sinjali.
Burimet nga Prokuroria kanë bërë me dije se dy të dyshuarit janë A.B., dhe P.M., të cilët e kanë rrahur me grushte dhe shqelma shoferin, të cilit i kanë shkaktuar lëndime trupore, në shenjë revolte pasi ai e goditi njërin prej tyre me veturë.
Dy të dyshuarit janë shoqëruar në stacion policor për intervistim, ku kanë dhënë deklarata para hetuesve policorë në lidhje me rastin për të cilin dyshohen. Ndaj tyre, Prokurori i Shtetit ka nxjerrë aktvendim për ndalim prej 48 orësh.
