Rritet çmimi i hamburgerit në Podujevë

Fast food-et e qytetit të Podujevës kanë njoftuar opinionin publik dhe klientët e tyre se nga data 15 janar 2026 do të ketë rritje të çmimit të hamburgerit, i cili do të kushtojë 2 euro.

Sipas njoftimit, kjo rritje vjen si pasojë e shtrenjtimit të produkteve bazë si dhe rritjes së kostos së energjisë elektrike, faktorë që kanë ndikuar drejtpërdrejt në shpenzimet operative të bizneseve.

Përfaqësues të fast food-eve theksojnë se vendimi nuk është marrë lehtë, por është i domosdoshëm për të ruajtur cilësinë e produkteve, standardet e shërbimit dhe funksionimin normal të tyre në treg.

Në fund, ata u bëjnë thirrje klientëve për mirëkuptim dhe mbështetje, duke i falënderuar për besnikërinë dhe bashkëpunimin e vazhdueshëm ndër vite.