Theret me thikë një i mitur, niset për QKUK
Një ngjarje e rëndë ka ndodhur mesditën e sotme në qytetin e Gjakovës, ku një përleshje fizike mes disa të miturve ka përfunduar me plagosjen e njërit prej tyre.
Ngjarja ka ndodhur rreth orës 12:30, në rrugën “Beqir Kastrati”.
Rastin për Insajderin e ka konfirmuar zëdhënësja e Policisë për rajonin e Gjakovës, Vlera Krasniqi teksa shtoi se në përleshje janë përfshirë disa persona të moshës së mitur, ku është përdorur edhe një mjet i mprehtë (thikë).
“Si pasojë e kësaj përleshjeje, njëri nga personat e përfshirë ka pësuar lëndime trupore të shkaktuara nga një mjet i mprehtë dhe i njëjti ka marr trajtim mjekësorë fillimisht në Emergjencën e Spitalit në Gjakovë dhe më pas është transferuar në QKUK për trajtim të mëtejshem”, tha ajo.
Krasniqi tha se viktima është intervistuar në prani të prindit ndërsa njëri nga të dyshuarit është duke u intervistuar.
“Njësitë relevante policore kanë reaguar menjëherë ndaj rastit dhe po vazhdojnë me veprime hetimore me qëllim të zbardhjes së plotë të rrethanave të rastit”.
