Tronditëse: Qe 3 muaj e zhdukur, gjendet e vdekur gruaja shqiptare, la pas vetes 3 fëmijë

Ishte zhdukur më 22 tetor, pasi ishte parë për herë të fundit në qendër të qytetit. Sot, të enjten më 15 janar, erdhi lajmi tragjik. Trupi i pajetë i Floresha Prengut, 35 vjeçe, banore në Trento, u gjet rreth 40 kilometra larg shtëpisë, përgjatë lumit Adige.

Trupi u njoh nga familjarët, të cilët deri në fund shpresuan për një përfundim tjetër. Floresha Prengu, me origjinë shqiptare dhe nënë e dy vajzave, ishte parë për herë të fundit në Trento më 22 tetor. Pas asaj dite, gjurmët e saj humbën.

Familjarët iu drejtuan menjëherë forcave të rendit dhe qytetarëve, duke kërkuar që çdo informacion apo sinjalizim. Në ditët pas zhdukjes u organizua një operacion i gjerë kërkimi në Trento përgjatë lumit Adige dhe një helikopteri për kontrolle nga ajri, por pa rezultate konkrete.

Kërkimet vijuan edhe jashtë kufijve të provincës së Trentos teksa të gjitha prefekturat italiane ishin vwnë në dijeni për zhdukjen.

Sipas raportimeve nga mediat italiane, Floresha jetonte në Trento prej tre vitesh me familjen dhe punonte si pastruese në disa ndërtesa banimi. Ajo ishte shumë e lidhur me vajzat e saj dhe kohët e fundit kishte përjetuar me dhimbje humbjen e të atit.