Yll Limani nuk do të këndojë më në klube të natës

Një nga artistët më të dashur, Yll Limani, sapo ka njoftuar një vendim që ka surprizuar të gjithë fansat e tij.

Përmes një letre të hapur, Ylli bëri të ditur se në vitin 2026 nuk do të mbajë më performanca në klube nate.

Pse mori këtë vendim?

Pas shumë viteve aktiv çdo fundjavë, artisti thotë se ka ardhur koha për një “frymëmarrje tjetër”. Ai shpjegon se ky nuk është largim nga muzika, por një hapësirë e nevojshme për t’u përgatitur për diçka më të madhe dhe për t’u takuar me publikun në një mënyrë ndryshe.

Ylli falënderoi të gjithë fansat për energjinë dhe dashurinë që i kanë dhënë në çdo natë deri më sot, duke premtuar se do të shihen sërish shumë shpejt.