Në Mitrovicë organizohet aksion vullnetar i dhurimit të gjakut

Në Xhaminë e Madhe në Mitrovicë është organizuar sot një aksion humanitar për dhurimin e gjakut, me pjesëmarrjen e gjerë të xhematit dhe mbështetjen e stafit mjekësor. Aksioni u zhvillua me qëllim të ndihmës ndaj pacientëve në nevojë dhe promovimit të solidaritetit shoqëror.

Me këtë rast, u theksua edhe mesazhi fetar që nxit humanizmin dhe shpëtimin e jetës, duke cituar fjalën kuranore: “E kush shpëton një jetë, është sikur t’i ketë shpëtuar të gjitha njerëzimit.”

Organizatorët shprehën mirënjohje të veçantë për angazhimin dhe gatishmërinë e xhematit për të kontribuar në këtë vepër humane, si dhe për mjekët që treguan profesionalizëm dhe përkushtim gjatë realizimit të aksionit.