Vetura godet një këmbësore

Një këmbësore është goditur nga një veturë në “Luan Haradinaj” në Prishtinë.

Lajmin për Klankosova.tv e ka konfirmuar zëdhënësja e policisë për rajonin e Prishtinës, Flora Ahmeti e cila tha se e lënduara është dërguar për tretman mjekësor.

“Sot rreth orës 08:00  kemi pranuar informatën se në rrugën “Luan Haradinaj” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një  këmbësore dhe një veturë në lëvizje. Si pasojë e aksidentit lëndime  trupore ka pësuar këmbësorja, e cila është dërguar për tretman mjekësor. Me rastin po merret njësiti i trafikut rrugor”, thuhet tutje në konfirmimin e saj.