Vendoset e ardhmja e Fermin Lopez

Barcelona ka arritur marrëveshje për rinovimin e kontratës së mesfushorit të talentuar, Fermín López. Sipas raportimit të La Vanguardia, palët janë dakorduar që kontrata e re të vlejë deri në vitin 2031, duke e lidhur lojtarin afatgjatë me klubin katalanas.

Rinovimi vjen si shpërblim për paraqitjet e shkëlqyera të Fermín gjatë këtij sezoni, ku ai ka fituar besimin e stafit teknik dhe është shndërruar në një nga elementët më premtues të skuadrës së parë.

Me marrëveshjen e re, paga e mesfushorit spanjoll është rritur për 50 për qind, çka tregon qartë rëndësinë që klubi i jep rolit të tij në projektin sportiv për vitet e ardhshme.

Po ashtu, Barcelona ka vendosur të dyfishojë klauzolën e lirimit në kontratën e re, duke synuar ta mbrojë lojtarin nga interesimi i klubeve të mëdha evropiane.

Njoftimi zyrtar për rinovimin e Fermín López pritet të bëhet pas përfundimit të ndeshjes ndaj Copenhagen, ku klubi do ta bëjë publike marrëveshjen e re me një nga talentet më premtuese të La Masias.