Një muaj paraburgim për personin që dhunoi të miturën

Prokuroria Themelore në Pejë ka caktuar masën e paraburgimit prej një muaji ndaj një të pandehuri për veprën penale “dhunimi”.

Vendimi është marrë nga gjyqtari i procedurës paraprake, pas kërkesës së parashtruar nga Prokuroria Themelore në Pejë. Gjykata ka vlerësuar se janë përmbushur kushtet ligjore për caktimin e kësaj mase.

Paraburgimi llogaritet nga data e arrestimit, më 26 janar 2026, në ora 12:00, dhe do të zgjasë deri më 25 shkurt 2026, në ora 16:00.

Për rastin është raportuar ekskluzivisht nga një medium vendor. Sipas raportimit, më 25 janar 2026, rreth orës 00:00, në stacion policor është paraqitur viktima, në shoqërim të një familjari, ku ka deklaruar se një person e kishte marrë me veturë dhe, pas largimit disa metra nga shtëpia, pa dëshirën e saj, dyshohet se ka kryer marrëdhënie seksuale me të.