Nesër bëhet varrimi i Hekuran Hoxhës

Një ngjarje e rëndë ka ndodhur dje në Prishtinë, ku biznesmeni gjakovar, Hekuran Hoxha, është gjetur i vdekur në një veturë në lagjen Veternik.

Gazeta Sinjali raportoi se Hoxha u gjet pa shenja jete në veturën e tij dhe se në vendin e ngjarjes është gjetur një armë, me të cilën dyshohet se i ndjeri ka kryer vetëvrasje.

Lamtumira e fundit të ndjerit do t’i jepet nesër në varrezat e qytetit të Gjakovës, në ora 14:00.

Hekuran Hoxha kishte qenë gjithashtu kandidat për deputet në zgjedhjet e 28 dhjetorit, duke garuar në listën e Aleancës për Ardhmërinë e Kosovës.