E dhimbshme: Kjo është gruaja që vdiq në autostradën “Ibrahim Rugova”

Gazeta Sinjali ka siguruar identitetin e gruas që humbi jetën tragjikisht në vetaksidentin e ndodhur në autostradën “Dr. Ibrahim Rugova”, në drejtimin Prizren Jug–Vërmicë.

Viktima është Minire Bytyqi rreth 57 vjeçare, e cila ishte pasagjere në veturën BMW që doli nga rruga në kilometrin e 10-të të autostradës. Si pasojë e plagëve të rënda të marra, ajo ka ndërruar jetë në Emergjencën e Prizrenit.

Në aksident janë lënduar edhe shoferi Shpejtim Bytyqi rreth 49 vjeç si dhe pasagjeri Sahit Bytyqi rreth 89 vjeç, të cilët po marrin trajtim mjekësor, ndërsa shoferi është transferuar në QKUK për tretman të mëtejmë.

Me urdhër të prokurores kujdestare, trupi i pajetë i Minire Bytyqit është dërguar në Institutin e Mjekësisë Ligjore për obduksion, ndërsa njësitë e trafikut janë duke hetuar rrethanat e plota të aksidentit fatal.