Kjo është vlera e madhe e dëmit që shkaktoi zjarri në Peran
Një mobileri në fshatin Peran të Podujevës është përfshirë nga zjarri gjatë ditës së djeshme.
Dëmi i shkaktuar dyshohet se kap një vlerë goxha të madhe, afër 500 mijë euro.
Përveç mobilerisë është djegur edhe një pjesë e ‘Veda Petrol’.
Rasti është denoncuar menjëherë në Polici, me ç’rast të gjitha njësitë përkatëse kanë dalë në vendin e ngjarjes, ku janë bërë ekzaminimet e nevojshme, si dhe janë marrë pamjet nga kamerat e sigurisë.
Provat e mbledhura nga Policia kanë bërë që të identifikohet një person i dyshuar, i cili pas shoqërimit në stacion policor, është intervistuar nën dyshimet se ka shkaktuar rrezik të përgjithshëm. Ndaj tij, Prokurori i Shtetit ka nxjerrë aktvendim për ndalim prej 48 orësh, teksa veprimet e tjera do të ndërmerren posa të përfundojnë të gjitha ekzaminimet.
VIDEO
