Hapen disa vende të lira pune në Podujevë

Komuna e Podujevës ka shpallur disa konkurse publike për vende të lira pune në sektorë të ndryshëm të administratës komunale dhe shërbimeve publike. Bëhet fjalë për pozita në fushën e inspektimit, bujqësisë, administratës arsimore si dhe në sektorin shëndetësor.

Sipas njoftimeve zyrtare, është shpallur konkurs për pozitën Inspektor i Shërbimeve Publike, ku kandidatët duhet të plotësojnë kriteret e përcaktuara në dokumentin zyrtar të publikuar nga komuna. Po ashtu, është hapur konkurs edhe për Inspektor të Ndërtimit, pozitë që ka të bëjë me mbikëqyrjen dhe zbatimin e legjislacionit në fushën e ndërtimit.

Në kuadër të Drejtorisë përkatëse, është shpallur edhe një pozitë në sektorin e Bujqësisë, me qëllim të fuqizimit të kapaciteteve profesionale në këtë fushë me rëndësi për zhvillimin lokal.

Gjithashtu, është hapur konkurs për Sekretar/e në institucione arsimore, me afat aplikimi nga 21 deri më 27 shkurt 2026. Kandidatët e interesuar duhet të dorëzojnë dokumentacionin e kërkuar brenda afatit të përcaktuar në njoftimin zyrtar.

Ndërkohë, edhe QKMF Podujevë ka shpallur konkurs për disa pozita në sektorin shëndetësor, përfshirë mjek të përgjithshëm, infermierë/e, infermierë/e – vozitës/e dhe asistent/e të stomatologjisë. Afati i aplikimit për këto pozita është nga 21 shkurt deri më 22 mars 2026.

Të gjitha detajet lidhur me kriteret, dokumentacionin e nevojshëm dhe mënyrën e aplikimit janë të publikuara në faqen zyrtare të Komunës së Podujevës. Kandidatët mund të aplikojnë përmes portalit shtetëror të konkurseve ose fizikisht në Qendrën për Shërbime me Qytetarë në objektin e komunës.