E tmerrshme: 15 vjeçarja dhunohet sek;sualisht dhe i publikohen pamjet

Një rast tronditës dhunimi ka dalë në pah në fshatin Gadish të Gjilanit, ku një vajzë e mitur dyshohet se është shfrytëzuar seksualisht për disa ditë rresht.

Ngjarja dyshohet të ketë ndodhur në periudhën 28–31 janar 2026, ndërsa rasti është zbuluar më 24 shkurt, pasi familjarët kanë kuptuar për aktin seksual pas publikimit të materialeve në rrjete sociale.

Sipas informacioneve, më 24.02.2026 rreth orës 19:20, Stacioni Policor në Novobërdë është njoftuar për një mosmarrëveshje mes viktimës dhe motrës së saj. Pas kontaktimit me palën ankuese, është mësuar se vajza A.R. rreth 15 vjeç dyshohet se ishte shfrytëzuar seksualisht disa javë më parë nga një 19 vjeçar.

Njësitë përkatëse hetimore në Gjilan kanë reaguar menjëherë, duke marrë autorizimet nga Prokurori i Shtetit dhe duke ndërmarrë veprimet e nevojshme: sigurimin e provave materiale, intervistimin e viktimës dhe më pas arrestimin e të dyshuarit.

I dyshuari është intervistuar në prani të avokatit mbrojtës dhe, me vendim të Prokurorit të Shtetit, është ndaluar për 48 orë nën dyshimin se ka kryer veprën penale “Dhunim”, sipas Nenit 227 të Kodit Penal të Republikës së Kosovës.

Ndërkohë, viktima pas intervistimit është dërguar për strehim të përkohshëm në Strehimore.

Burimet bëjnë me dije se hetimet po vazhdojnë, pasi ekzistojnë dyshime serioze se e mitura mund të jetë shfrytëzuar seksualisht edhe nga persona të tjerë.

Rasti mbetet nën hetime intensive nga organet kompetente.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.