Vdekje e dyshimtë, fillojnë hetimet

Autoritetet kanë nisur hetime lidhur me vdekjen e një personi, rrethanat e së cilës po shqyrtohen nga organet kompetente.

Sipas njoftimit zyrtar, më 25.02.2026 rreth orës 19:23 është raportuar se një mashkull kosovar është sjellë pa shenja jete në QKMF në Shtime, ku mjeku kujdestar ka konstatuar vdekjen e tij.

Viktima ishte pacient në Entin Special në Shtime, ndërsa rasti ka ndodhur në rrugën “Anton Çeta”.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti po hetohet.