Zhduket një vajzë, raportohet se është me të meta mendore

Një rast i zhdukjes së një vajze ka alarmuar familjarët dhe ka vënë në lëvizje autoritetet, pasi e njëjta është larguar nga shtëpia dhe nuk dihet vendndodhja e saj.

Rasti është raportuar më 25 shkurt 2026 rreth orës 22:50 në Malishevë, ku ankuesja ka njoftuar se vajza e saj, e cila ka probleme mendore, ka dalë nga shtëpia dhe nuk është kthyer më.

Familjarët kanë shprehur shqetësim për gjendjen e saj dhe kanë kërkuar që çdo informacion që mund të ndihmojë në gjetjen e saj të raportohet tek organet kompetente.

Policia ka bërë të ditur se rasti është duke u hetuar dhe janë duke u ndërmarrë veprimet e nevojshme për lokalizimin e saj.