Ja sa kushton një biletë për ndeshjen finale të Kupës së Botës

Të dielën zhvillohet finalja e madhe e Kupës së Botës në Katar.

Me 18 dhjetor përfundon një muaj fantastik i futbollit, që ka dhuruar befasi e ndeshje spektakolare.

Argjentina është kombëtarja e parë që ka siguruar një vend në finalen e madhe, kurse Franca dhe Maroku do ta kërkojnë këtë gjë sonte në përballjen mes tyre.

Çmimet e biletave për ndeshjen e datës 18 mes Argjentinës dhe skuadrës fituese të çiftit Francë-Marok, po arrijnë shifra shumë të larta.

Gjithçka nis nga vendet më pak të lakmuara për më shumë se 515 euro dhe për të vijuar me rritjen progresive në 850 për vendet e mesme dhe deri në 1600 për stolat preferencialë shumë pranë fushës ose në tribunën e stadiumit.

Kujtojmë që sonte luhet ndeshja gjysmëfinale në mes Francës dhe Marokut.

Kjo ndeshje fillon në ora 20:00 dhe transmetohet në RTK 1.