Kaplohet nga zjarri një stallë e kafshëve

Një zjarr ka shkaktuar dëme materiale në një pronë private, duke alarmuar banorët dhe duke mobilizuar njësitë emergjente.

Sipas raportimit në polici, një femër kosovare ka njoftuar se zjarri ka kapluar një shtëpizë me kuzhinë verore si dhe një stallë të kafshëve.

Ngjarja ka ndodhur në fshatin Madanaj të Gjakovës, ku në vendin e ngjarjes kanë dalë njësitë përkatëse policore dhe zjarrfikësit. Pas ndërhyrjes së tyre, zjarri është arritur të lokalizohet dhe të vihet nën kontroll.

Nga ky rast nuk raportohet për persona të lënduar, ndërsa janë shkaktuar vetëm dëme materiale. Rasti është duke u hetuar nga organet kompetente. /PodujevaSot