Vrasje në tentativë në Prishtinë

Një rast i rëndë i dhunës është raportuar së fundmi, ku një person ka përfunduar në spital pasi u sulmua me mjet të mprehtë pas një mosmarrëveshjeje.

Sipas informacioneve nga Policia, rasti ka ndodhur në Prishtinë, ku viktima mashkull kosovar është sulmuar fizikisht nga një person ende i paidentifikuar. I dyshuari dyshohet se ka përdorur një mjet të mprehtë gjatë sulmit.

Pas incidentit, i dyshuari është larguar nga vendi i ngjarjes në drejtim të panjohur, ndërsa viktima është dërguar për tretman mjekësor në QKUK për shkak të lëndimeve të marra.

Lidhur me rastin është njoftuar prokurori dhe autoritetet kompetente kanë nisur hetimet për identifikimin dhe kapjen e të dyshuarit. /PodujevaSot