Policia e konfirmon – Mbrëmë në aksident vdiq një 27 vjeçar

Një aksident trafiku me pasoja fatale ka ndodhur sot rreth orës 20:00 në rrugën nacionale Mitrovicë–Prishtinë, në segmentin rrugor të fshatit Nadakovc, ku një këmbësor 27-vjeçar ka mbetur i vdekur pas goditjes nga një automjet.

Si pasojë e lëndimeve të pësuara, viktima, ka ndërruar jetë në vendin e ngjarjes.

“Drejtuesi i automjetit është shoqëruar në Stacionin Policor për intervistim dhe procedura të mëtejme ligjore. Njësitet kompetente, përfshirë hetuesit e aksidenteve të trafikut, janë duke ndërmarrë veprime hetimore për të sqaruar shkaqet dhe rrethanat e këtij aksidenti”, thuhet në komunikatën e Policisë.